काठमाडौं- इजरायली अधिनस्थ गाजा क्षेत्रको सहायता वितरण केन्द्रलाई लक्षित गरी आक्रमण गर्दा ३० जनाको ज्यान गएको छ ।
गाजाको रफाह शहरमा रहेको सहायता वितरण केन्द्रलाई लक्षित गरी इजरायलले आक्रमण गरेको प्यालेस्टाइनको वाफा समाचार संस्थाले जनाएको छ ।
आक्रमणका क्रममा अरु १ सय १५ जना घाइते भएका छन् । रफाहमा गाजा ह्युमानिटेरियन फाउन्डेसन नामक संस्थाले सञ्चालन गर्दै आएको सहायता वितरण केन्द्रलाई लक्षित गरी आक्रमण भएको जनाइएको छ ।
उक्त संस्थाले हालैमात्र गाजा क्षेत्रमा सहायता प्रदान गर्दै आएको थियो । घटनाबारे अनुसन्धान भइरहेको इजरायलले जनाएको छ।
प्रतिक्रिया