काठमाडौं– गायक वासुदेव मिश्र र गायिका मन्दिरा मिश्रको स्वर रहेको गीत ‘बाचा गर माया’ सार्वजनिक भएको छ । यस गीतको म्युजिक भिडियो ‘उनको आफ्नै युट्युबबाट सार्वजनिक गरिएको हो ।
गीत नेपालको भूगोल सुहाउँदो तरिकाले प्रस्तुत गरिएको छ । भिडियोमा नेपालको ग्रामीण परिवेश र बेरोजगारीको अवस्थालाई देखाउन जाखिएको छ ।
गीतको शब्द लेखन र संगीत गायक वासुदेव मिश्र आफैँले गरेका हुन् । मिलन श्रेष्ठले निर्देशन गरेको उक्त म्युजिक भिडियोमा जुना थापा र स्वयम् मिश्रको अभिनय रहेको छ ।
भिडियोको सम्पादन र रङ्ग संयोजन निर्देशक श्रेष्ठले नै गरेका छन् । गायक मिश्र सशस्त्र प्रहरी बलमा प्रहरी निरीक्षक पदमा कार्यरत छन् ।
हेर्नुहोस् भिडियो :
प्रतिक्रिया