काठमाडौं– विधेयक सत्रका रुपमा लिइने संघीय संसद्को हिउँदे अधिवेशन मंगलबारदेखि अन्त्य गरिएको छ । सरकार नयाँ आर्थिक वर्षको बजेट निर्माणमा जुटेसँगै हिउँदे अधिवेशन अन्त्य भएको हो ।

प्रतिपक्षी दलहरुको घेराबन्दीबीच सरकारले गत माग १८ गते हिउँदे अधिवेशनको पहिलो बैठक राखेको थियो । त्यसयताका ६१ दिन संसदले हिउँदे अधिवेशनमा खर्चियो । यसबीचमा सरकारले केही विधेयक र गत पुषमा जारी गरिएका ५ वटा अध्यादेश प्रतिस्थापन विधेयकमार्फत् पारित गरेको छ ।

यी ६१ दिन बीचमा केबल २५ दिनमात्रै संसद बैठक बस्यो । संसद् सचिवालयका अनुसार यी २५ दिनमा २७ पटक बैठक बसी जम्मा ११८ घण्टा २१ मिनेट संसदीय काम कारवाहीमा व्यतित भयो ।

यसबीचमा संसदमा प्रमुख प्रतिपक्षी नेकपा माओवादी केन्द्र तथा प्रतिपक्षीहरु राष्ट्रिय प्रजातन्त्र पार्टी राप्रपा र राष्ट्रिय स्वतन्त्र पार्टी रास्वपाले पनि पटक पटक बैठक अवरोध गरे ।

पछिल्लो केही दिनयता राजावादी र सत्तापक्षबीच चर्काचर्की चलिरहेको अवस्थामा सरकारले हिउँदे अधिवेशन अन्त्य गर्ने निर्णय लिएको हो ।

उपलब्धि-