काठमाडौं – सन् २०३० सम्म भारतको उपभोक्ता बजार संसारकै दोस्रो ठूलो हुने प्रक्षेपणसहितको प्रतिवेदन सार्वजनिक भएको छ ।

वित्तीय सेवा प्रदायक संस्था एडलवाइस म्युचुअल फन्डले सार्वजनिक गरेको प्रतिवेदन अनुसार उक्त अवधिसम्म भारतको उपभोक्ता बजार ४६ प्रतिशतले विस्तार हुनेछ ।

भारतीय समाचार संस्था एएनआईका अनुसार बढ्दो आय, युवा श्रमशक्ति तथा द्रुत सहरीकरणजस्ता कारण उपभोग क्षमता वृद्धि हुने अपेक्षा गरिएको छ ।

मध्यम तथा उच्च वर्गको विस्तारसँगै भारतीयहरुको उपभोग्य तथा वैकल्पिक खर्चमा पनि वृद्धि हुने प्रतिवेदनमा उल्लेख छ ।

उक्त प्रतिवेदन अनुसार भारतमा सन् २०२४ सम्म कुल उपभोग खर्च २.४ ट्रिलियन अमेरिकी डलर रहेको छ । सन् २०३० सम्म त्यो बढेर ४।३ ट्रिलियन अमेरिकी डलरसम्म पुग्ने अपेक्षा छ ।