काठमाडौं– उपप्रधानमन्त्री एवम् सहरी विकासमन्त्री प्रकाशमान सिंहले असल विद्यार्थी उत्पादन गर्न सके मात्रै समाज राम्रो हुने बताएका छन् ।
विश्व निकेतन माविको ७९ औँ वार्षिक साधारण सभामा बोल्दै उनले सामुदायिक विद्यालयको विकासमा सांसद भएदेखि नै जोड दिइरहेको बताए ।
उपप्रधानमन्त्री सिंहले सांसद विकास कोषको रकम आउँदा आफूले अधिकांश रकम सामुदायिक विद्यालयका लागि छुट्टाएको पनि स्मरण गरे । काठमाडौं–१ मा रहेको विश्व निकेतन माविले गुणस्तरीय शिक्षा प्रदान गरेको भन्दै उनले प्रशंसा पनि गरे ।
सिंहले किताबी शिक्षासँगै अतिरिक्त क्रियाकलापमा पनि विद्यार्थीहरूलाई संलग्न गराउन सुझाव दिए ।
प्रतिक्रिया