काठमाडौं – प्रतिनिधि सभाका नवनियुक्त सचिव हर्कराज राईले भोलि (बुधबार) पद तथा गोपनीयताको सपथ लिने भएका छन् ।
कृषि, सहकारी तथा प्राकृतिक स्रोत समितिको हलमा बुधबार बिहान साढे ११ बजे राईले सपथ लिने संसद् सचिवालयले जानकारी दिएको छ ।
राईलाई राष्ट्रपति रामचन्द्र पौडेलले प्रतिनिधि सभाको सचिव पदमा आज (मङ्गलबार) नियुक्त गरिसकेका छन् ।
झापाको शिवसताक्षी नगरपालिका वडा नं. २ का राईलाई प्रतिनिधि सभाका सभामुख देवराज घिमिरेले संघीय संसद्को तल्लो सदनका सचिवमा नियुक्त गरेका थिए ।
नेपालको संविधानको धारा १०६ को उपधारा (१) बमोजिम राईलाई सचिव पदमा नियुक्त गरिएको हो ।
प्रतिक्रिया