काठमाडौं – क्राइम थ्रिलर जनरामा बनेको फिल्म ‘११ः५५– डु नट ट्रस्ट एनिवान’को प्रदर्शन मिति घोषणा भएको छ । निर्माण पक्षले मंगलबार एक पोस्टर सार्वजनिक गरी प्रदर्शन मिति चैत ८ गतेलाई तय भएको जानकारी दिएको हो ।

पोस्टरमा फिल्मका मुख्य कलाकार महेश त्रिपाठी, श्रृष्ठि श्रेष्ठ, करिश्मा श्रेष्ठ, एमएस अग्रज र डेब्यू नायक सागर खनाल फिचर्ड छन् ।

पोस्टरमा पेस्तोलको आकारभित्र पाँच कलाकारको अनुहार राखिकाले फिल्म क्राइमसँग सम्बन्धित कथामा बनेको संकेत गर्छ ।

यस फिल्मको लेखक/निर्देशक केशव पाण्डेसहित एमएस अग्रज र शेखर ज्ञवाली हुन् । केशवले यही फिल्मबाट निर्देशनमा डेब्यू गर्दैछन् ।

विचित्र फिल्मस् र गुड जब आर्ट्सको ब्यानरमा निर्माण भएको यस फिल्मका निर्माता श्याम शर्मा र सरोजा शर्मा हुन् ।