काठमाडौं- यमपञ्चकको दोस्रो दिन बिहीबार कुकुरको पूजा–आराधना गरिएको छ।

कुकुर तिहार मनाउने क्रममा मानिसको आज्ञापालकमध्ये एक जनावरको विशेष पूजा र सम्मान गरिएको हो ।

हिन्दू परम्पराअनुसार कात्तिक कृष्ण चतुर्दशीका दिन भैरवलाई कुकुरको रुपमा पूजा गरिन्छ । कुकुरलाई मानिसको नजिकको साथी, आज्ञाकारी र संरक्षकका रूपमा पूजा गर्ने चलन छ।

यसैबीच कुकुर तिहारको अवसरमा नेपाल प्रहरीले केन्द्रीय प्रहरी कुकुर तालिम केन्द्रको कुकुरको विशेष पूजा गरेको छ । नेपाल प्रहरीले अपराध नियन्त्रण र अनुसन्धानमा प्रयोग हुने तालिम प्राप्त कुकुरको पूजा गरेको हो ।

तिहारमा नियमित काम र अन्य दिन अभ्यास गर्ने कुकुरको एक दिन विशेष पूजा गरिने प्रहरी केन्द्रीय कुकुर तालिम केन्द्रका निर्देशक डीआईजी देउती गुरुङले बताइन् ।

प्रहरीलाई अनुसन्धानको काममा सहयोग गर्ने र विभिन्न अपराधका घटनाको सुराक सरकारलाई दिलाउन सघाउने कुकुलाई कर्मचारीजस्तै व्यवहार गरेर राखिन्छ ।

तस्बिरहरू : नेपाल फोटो पुस्तकालय