काठमाडौँ– २३औँ संस्करणको आहा रारा गोल्डकप फुटबलमा आजबाट सेमिफाइनलका खेल सुरु हुँदैछन् ।
पोखरा रंगशालामा दिउँसो साढे २ बजे सुरु हुने पहिलो सेमिफाइनलमा थ्रीस्टार र जावलाखेलबीच प्रतिस्पर्धा हुनेछ ।
आजको खेलमा दुवै टोली जित निकाल्दै फाइलनमा प्रवेश गर्ने लक्ष्यका साथ मैदानमा उत्रँदै छन् ।
थ्री स्टार भुटानको पारो फुटबल क्लबलाई हराउँदै सेमिफाइनलमा प्रवेश गरेको हो भने जावलाखेलले मनाङ मर्स्याङ्दीलाई हराएको थियो ।
एक विदेशीसहित १२ टिम सहभागी प्रतियोगिताको विजेताले १२ लाख एक हजार र उपविजेताले ६ लाख एकहजार रुपैयाँ पुरस्कार पाउने छन् ।
यही माघ ९ देखि सुरु भएको प्रतियोगिताको फाइनल खेल माघ २० गते हुनेछ ।
प्रतिक्रिया