काठमाडौं– नेकपा माओवादी केन्द्रका सचिव राम कार्कीले आफ्नो पुस्तालाई पार्टीको कार्यकारी तहहरूबाट सम्मानपूर्वक उचित स्थानतर्फ सार्ने अभियान चलाउनुपर्ने बताएका छन् ।

उनले विद्यार्थी संगठनमा ३२ वर्षको उमेर हद लागू हुने भएपछि यस्तो प्रतिकृत्या गरेका हुन् । उनले  विद्यार्थीबाट बाहिरिएका तरुण पुस्तालाई उचित जिम्मेवारी दिनुपर्ने माग गरे । कार्कीले यस अभियानमा सबै जोडिनुपर्ने बताए ।

उनले भनेका छन्, ‘ व्यक्तिगतमा पो राम्रो होइन, खराब भन्दा राम्रो हो । विद्यार्थीबाट बाहिरिएका तरुण पुस्तालाई उचित जिम्मेवारी प्रदान गर्ने र मेरो पुस्तालाई कार्यकारी तहहरूबाट सम्मानपूर्वक उचित स्थान तर्फ सार्ने अभियान सञ्चालन गर्न सबै ‘हाम्रा सबै’ जुटौँ ।’