न्युयोर्क – २० जनवरीमा अमेरिकी राष्ट्रपति पदमा डोनाल्ड ट्रम्प पदासीन भएपछि यसले पार्ने असरको बारे अहिले नै चर्चा सुरु भएको छ।अमेरिकी विदेश नीति तथा रुस र युक्रेन नीति बारे चासो भइरहेको समयमा ट्रम्पले जनरल केथ केलोगलाई रुस र युक्रेनका लागि विशेष दूत चयन गरेका छन्।

अप्रिल महिनामा ‘अमेरिका फस्ट पोलिसी’ लेखेका ट्रम्पका पूर्व राष्ट्रिय सुरक्षा सल्लाहकार केलोगको चयनपछि नै ट्रम्पको विदेश नीतिका बारे धेरै अनुमान हुन थालेका छन्।

केलोग बाइडेन प्रशासनले अङ्गीकार गरेको विदेश नीतिका कटु आलोचक हुन्। उनले बाइडेन प्रशासनका कारण संसारमा अहिले अन्त्यहीन युद्धतर्फ लम्किरहेको आरोप समेत लगाउन थालेका छन्।

सन् २०१८ मा पहिलो पटक बाइडेनले युक्रेनलाई सहयोग गरेपछि रुससँग लड्ने हिम्मत पलाएको समेत जिकिर गरे। यसै समयपछि रुस र अमेरिका बिचको सम्बन्ध अझ धेरै खराब रहेको जनाइएको छ। उनले त्यसपछि सहयोग नगर्नु नै अमेरिकी गल्ती भएको विचार राखेका छन्। सन् २०२२ मा रुसले युक्रेनमा रुसले आक्रमणमा गरेको थियो। सो आक्रमण भन्दा अघि युक्रेनलाई धेरै मात्रामा हतियार उपलब्ध गराएको भए पनि युद्ध रोकिने उनको मत थियो ।

उनको नीतिमा फ्रन्ट लाइनमा युद्ध विराम गरेर युद्ध अन्त्यको सुरुवात गर्न सकिने भन्ने छ। केलोगको सम्भाव्य प्रस्तावका बारे छलफल हुन थालेका छन्। रुसले कब्जा गरेको भूमि युक्रेनले माग नगर्ने तथा ध्वस्त भएका ऊर्जा संरचना रुसले निर्माण गर्ने प्रस्ताव केलोगको हुनसक्ने छ।

अहिले ध्वस्त भएका धेरै सहरको पुर्न निर्माणको काममा नाटो तथा अन्य असंलग्न सेना राखेर तयार गर्नु आवश्यकता समेत केलोगको मतमा रहेको जनाइएको छ।