काठमाडौं– अमेरिकी उपराष्ट्रपति तथा राष्ट्रपति पदकी उम्मेदवार कमला ह्यारिसले अन्तिम चुनावी कार्यक्रमलाई सम्बोधन गर्दै प्रचार अभियानको अन्त्य गरेकी छिन् ।

चार वर्ष अघि रिपब्लिकका पराजित उम्मेदवार डोनाल्ड ट्रम्पले हारपछि विध्वंस मच्चाएकै स्थानबाट उनले कार्यक्रमको सुरुवात गरेकी थिइन् ।

उनले आफ्नो कार्यक्रममा यो निर्वाचन महत्त्वपूर्ण भएको बताउँदै स्वतन्त्रता र बेथिति बिचको लडाइँ भएको बताएकी छिन् ।

ट्रम्पप्रति आक्रामक हुँदै ह्यारिसले ४ वर्ष अघि जनमतलाई बल प्रयोग गरेर उल्ट्याउन खोजेको कुरामा जोड दिएकी थिइन् ।

ह्यारिसले मुद्रास्फीतिकाबारे बोल्दै महामारी कालको समयमा भन्दा अहिले मूल्य बढी रहेको जिकिर गरेकी छिन् । गर्भपतनको विषयमा उनले मानिसहरूमा आफ्नो शरीरको आफैँ निर्णय गर्न पाउने अधिकार सुरक्षित रहेको बताएकी छिन् ।