काठमाडौं– एभरेष्ट बैंक लिमिटेडले मंगलबार मायादेवी गाउँपालिका-१ पकडी कपिलवस्तुमा तौलिहवा शाखा कार्यालयको मातहतमा रहनेगरी चौथो एक्स्टेन्सन काउन्टर उद्घाटन गरेको छ ।

उक्त एक्स्टेन्सन काउन्टरको उद्घाटन लुम्बिनी प्रदेशको क्षेत्र नं. १ (ख) का प्रदेशसभा सदस्य मधुसुदन सरन चौधरी र बैंकका लुम्बिनी प्रदेशका प्रादेशिक प्रबन्धक लव प्रसाद कुइँकेलले संयुक्त रूपमा गरेका छन् ।

उद्घाटन समारोहमा मायादेवी गाउँपालिकाका अध्यक्ष वलिउद्दिन मुसलमान सोही गाउँपालिका-१ का अध्यक्ष  मुहम्मद इसहाक मुसलमान, मायादेवी गाउँपालिका बजार व्यवस्थापन समितिका अध्यक्ष प्रमात्मा बाँनीया, इलाका प्रहरी कार्यलय पकडीका प्रमुख प्रहरी निरिक्षक राजिव श्रेष्ठ, बैंकका तौलिहवा शाखाका शाखा प्रबन्धक शंकर घिमिरे, पकडी एक्स्टेन्सन काउन्टरका इन्चार्ज विमल के.सी लगायत अन्य व्यक्तिहरूको उपस्थिति रहेको थियो ।

समारोहमा बैंकका प्रादेशिक प्रबन्धक कुइँकेलले बैंक विश्वासको सहयात्री भएको साथै पकडी र सो आसपासका बासिन्दालाई सबल, सरल, अत्याधुनिक तथा गुणस्तरीय बैकिंग सेवा प्रदान गराइने प्रतिबद्धता व्यक्त गर्नुका साथै पंजाब नेशनल बैंक भारतसंग सहकार्य रहेको यस बैंकबाट भारतमा रहने नेपालीलाई आर्थिक कारोबार गर्न सहज हुने र बैंकले ल्याउने प्याकेजले आर्थिक क्षेत्रमा सुधार गर्नका साथै व्यवसायी, भारतीय पेन्सनरहरुलाई बैकिंग कारोबारमा थप सहज हुने बताए ।

सो अवसरमा मायादेवी गाउँपालिकाका अध्यक्ष चौधरीले पकडीमा एभरेष्ट बैंकको आगमनले सर्वसाधारणको वित्तीय पहुँच अझ सहज तथा सुलभ हुने बताए ।

बैंकका अनुसार सर्वसाधरणले उक्त एक्स्टेन्सन काउन्टरबाट सुरुवाती ३ महिनाको लागि निम्नानुसारको शुभारम्भ अफरहरू पाउने छन् :
– साधारण बचत खाता (न्यूनतम मौज्दात) रु. १००
– चल्ती खाता (न्यूनतम मौज्दात) रु. २,५००
– तलबी बचत खाता – शून्य मौज्दात
– नारी बचत खाता – रु. १,२५०
– डेबिट कार्ड, एसएमएस अलर्ट सेवा, मोबाईल बैकिंग सेवा – पहिलो पटक निःशुल्क

यस बैंकमा हालसम्म करिब १४ लाख भन्दाबढी सदस्यहरू रहेका छन् भने देशैभरी १२८ शाखा संजाल, ४ एक्सटेन्सन काउण्टर, ७ प्रादेशिक कार्यालय, १६४ एटीएमसहित विश्वव्यापी नेटवर्कबाट अत्याधुनिक मोबाइल, इन्टरनेट र एसएमएस बैकिंग सुविधा प्रदान गर्दै आइरहेको छ । बैंकले नेपाल सरकारको राजस्व संकलनको लागि ३२ वटा संकलन केन्द्रबाट समेत सेवा दिँदै आइरहेको छ ।