इलाम–इलाम २ बाट प्रतिनिधि सभा उपनिर्वाचन ०८१ मा विजयी नेकपा एमालेका सुहाङ नेम्वाङले मतदातासँग आभार व्यक्त गरेका छन् ।

मुख्य निर्वाचन अधिकृतबाट विजयी भएको प्रमाणपत्र लिँदै उनले सबै मतदातालाई मनबाट धन्यवाद दिएका छन् । आफूलाई जनताले यहाँसम्म पुर्‍याएको भन्दै अब उनीहरूकै सेवक भएको पनि बताए ।

‘निर्वाचन सदभाद्पूर्ण वातावरणमा भएको छ । खुल्ला मैदानमा निर्वाचनमा म उठे तर यहाँहरू सबै मेरो साथमा हुनुहुथ्यो । म हर्षित पनि छु भावुक पनि छु । म के वाचा गर्छु भने यहाँहरूले दिनुभएको एक–एक मतको सपना पुरा गर्छु । बुबाले देखाएको बाटोमा इमानदार भएर जनताको हात समाएर हान्नेछु । म यहाँहरू सँगै छु ,’ उनले भने ।

उनले आफ्ना स्वर्गीय बुवा सुवास नेम्बाङलाई सम्झँदै उहाँले देखाएको सपनालाई सम्झिएर सकारात्मक बाटोमा हिँड्ने पनि बताए ।