इजरायल – अमेरिकी मध्यस्थताका कारण हिजबुल्लाह र इजरायलबीच युद्धविराम भए पनि दक्षिणी लेबनानमा कुनै स्थानमा अझै आक्रमण भएको छ। इजरायल र हिजबुल्लाह दुवैले एक आपसमा यसको आरोप लगाएका छन्। दक्षिणी लेबनानमा रहेको पुरानो घरमा फर्कनेक्रम भने अझै जारी छ।

हिजबुल्लाहसँग युद्ध विराम भए पनि गाजामा इजरायली आक्रमण जारी छ। पछिल्लो आक्रमणमा ४२ जना मारिएको जनाइएको छ।

हिजबुल्लाह र इजरायल युद्धविराम भए पनि पहिलो पटक इजरायली प्रधानमन्त्री बेन्जमिन नेतान्याहुले आफूहरूले गाजामा शान्ति चाहेको तर हमाससँगको युद्धको अन्त्य भने नचाहेको बताएका छन्।

इस्लामिक रेभुलेसनरी गार्ड कपका जनरलको सिरियामा हत्या भएको छ। सिरियाली राष्ट्रपति बसार अल असादको विरोधीबाट सो हत्या भएको जनाइएको छ। तेहरानले भने अमेरिका र इजरायलले सो क्षेत्रमा अशान्ति मच्चाउन अनेक वितण्डा गरेको आरोप लगाएको छ।