काठमाडौं- त्रिभुवन राजपथअन्तर्गत धादिङको धुनीबेंसी र काठमाडौंको चन्द्रागिरि नगरपालिकाको सिमानामा पर्ने झ्याप्ले खोलाको पहिरो कयौँ सुन्दर जीवन खोस्ने ठाउँका रुपमा परिचित भएको छ ।

शुक्रबार राति हराएका चारवटा सवारीसाधन त्यही झ्याप्लेखोलाको पहिरोले पुर्दा ज्यान गुमाएका ३५ जनाको शव सुरक्षाकर्मीले निकालिसकेका छन्।

झ्याप्ले खोलामा आइतबार मात्रै २१ जनाको श-व निकालिएको छ । शनिबार १४ जनाको निकालिएको थियो । नेपाली सेना, नेपाल प्रहरी र सशस्त्र प्रहरीको टोलीले अझै खोज्ने क्रम जारी छ ।

पुरिएका शव र सवारीसधान निकालेर त्यहाँको बाटो एकतर्फी खुलाउन सुरक्षाकर्मी संघर्षरत छन् ।

अहिलेसम्म निकालिएका शव त्रिवि शिक्षण अस्पतालमा पठाइएको छ। आफन्त बेपत्ता भएका परिवारले प्रमाणपत्रसहित सम्पर्क गरिदिन खानीखोला प्रहरीले भनेको छ ।

झ्याप्ले खोलामा गएको पहिरोमा अहिलेसम्म बुटवलबाट आएको विंगर, गोरखाबाट आएको बस र चितवनबाट आएको माइक्रो बस परेको पुष्टि भएको छ ।

नेपाली सेना, नेपाल प्रहरी र सशस्त्र प्रहरीले पहिरो उत्खनन गर्दा आइतबार बिहान बस र माइक्रो बस भेटिएका हुन्। यो खोलामा बुटवलबाट आएकामध्ये तीन परिवारका मात्रै ९ जना परेका छन् ।

चन्द्रागिरि नगरपालिका–२ झ्यापले खोला, नेपाल प्रहरीका उद्धारकर्ता, सशस्त्र प्रहरी र नेपाली सेनाको शव लिएर शुक्रबार बिहान पहारोमा परी आइपुगेका छन् । स्थानमा आएको पहिलो यात्रुवाहक बस पर्को थियो।