काठमाडौं– गायक एसडी योगी र गायिका रेश्मा पुनको स्वरमा नयाँ गीत ‘पिङ्की पियारी’ भिडियोसहित सार्वजनिक भएको छ । विनोद घर्ती मगरले निर्माण गरेको यस गीतको शब्द राम अविरल बिस्टले लेखेका हुन् भने सङ्गीत एसडी योगी स्वयंको छ ।

भिडियोमा अलिसा शर्मा र अस्मिक लम्सालले अभिनय गरेका छन् । भिडियोमा एक युवकले डान्स क्लबबाट नृत्याङ्गनालाई लिएर भाग्दै गरेको कथा देखाइएको छ ।

भिडियोको निर्देशन शान थापाले गरेका छन् । जसमा राजीव सुनारले कोरियोग्राफी गरेका छन् भने, सहायक कोरियोग्राफर रोशन विश्वकर्मा हुन् ।

भिडियोको सम्पादन विवेक सुनार, छायाङ्कन अजय रेग्मी र रङ्ग संयोजन सुप्रिम पराजुलीले गरेका छन् ।

निर्माण पक्षले गीत सार्वजनिक भएसँगै दर्शकका लागि उपहार योजना पनि घोषणा गरेको छ ।

निर्माता विनोद घर्ती मगरका अनुसार, टिकटक, इन्स्टाग्राम र फेसबुक रिल्सहरूमा यस गीतको भिडियो बनाएर सर्वाधिक भ्युज पाउने क्रिएटरलाई एक स्मार्टफोन उपहार दिइनेछ । कात्तिक २५ गते उपहार प्रदान गरिने बताइएको छ ।

हेर्नुहोस् भिडियो :