काठमाडौं- फिल्म ‘एक्टर: टेक वान’को दोस्रो पोस्टर सार्वजनिक भएको छ । निर्माणपक्षले बिहीबार सार्वजनिक गरेको पोस्टर फिल्मका शीर्ष नायक प्रदीप खड्काले स्थान पाएका छन् ।

पोस्टरमा प्रदीपको कपाल लामो देखाइएको छ । उनको अनुहारमा पनि रगतै रगत छ । उनी सख्त घाइते देखिन्छन् । केही साताअघि सार्वजनिक पोस्टरमा प्रदीप विभिन्न ५ लुक्समा देखिएका थिए ।

कात्तिक १५ गते रिलिज हुने फिल्ममा प्रदीपसहित नायक राजबल्लभ कोइराला नायिकाहरु दिव्या रायमाझी र आना शर्मा शीर्ष भूमिकामा छन् ।

राजबल्लभको यो कमब्याक फिल्म हो । नायक दिलीप रायमाझीकझ छोरी दिव्या यही फिल्मबाट ठूलो पर्दामा डेब्यू गर्दै छिन् ।

यस फिल्मको निर्देशक राजन भुसाल हुन् । फिल्मको कथा आकाश बराल र राजन स्वयमले लेखेका छन् ।

अदृत फिल्मस् र मोती फिल्मस्को प्रस्तुतिमा निर्माण भएको यो फिल्मका निर्माता थमन कुमारी भण्डारी हुन् ।