काठमाडौं । प्रतिनिधिसभाका लागि इलाम क्षेत्र नम्बर २ मा शनिबार भएको उपनिर्वाचनको मतगणना अन्तिम चरणमा पुगेको छ ।

यो क्षेत्रमा पर्ने ४२ मध्ये ३२ वडाको मतगणना भइसकेको छ । अब १० वडाको मतगणना हुन बाँकी छ । पछिल्लो मतपरिणाम अनुसार नेकपा एमालेका सुहाङ नेम्वाङले ६ हजार ६०६ मतको अग्रता बनाएका छन् ।

सुहाङले २० हजार ५९६ मत ल्याइएका छन् । उनलाई पछ्याइरहेका कांग्रेसका उम्मेदवार खड्काले ताजा अवस्थामा १३ हजार ९९० मत ल्याएका छन् ।

उता तेस्रो स्थानमा रहेका पहिचान पक्षधरका स्वतन्त्र उम्मेदवार डकेन्द्रसिंह थेगिमले ९ हजार ६५९ मत ल्याएका छन् । रास्वपा उम्मेदवार मिलन लिम्बूले ३ हजार ३ सय २३ मत पाएका छन्।

शनिबार भएको मतदानमा यहाँ ६६ हजार मत खसेको थियो ।

इलाम–२ उपनिर्वाचन अपडेट
सूर्य :२०,५९६
रुख : १३,९९०
मूढा : ९,६५९
घण्टी :३,३२३

इलाम नगरपालिका १ को अन्तिम परिणाम
रुख :८००
सूर्य :८९९
मुढा : १४५
घण्टि :१२७