इलाम – इलाम क्षेत्र नम्बर २ को उपनिर्वाचनअन्तर्गत अहिले माई नगरापलिकाको मतगणना जारी छ ।

ताजा अवस्थामा नेकपा एमालेका सुहाङ नेम्बाङले १३ हजार ६९ मतसहित अग्रता फराकिलो बनताउँदै लगेका छन्।

हालसम्म इलाम क्षेत्र नम्बर २ मा हालसम्म फाकफोकथुम गाउँपालिका, चुलाचुली गाउँपालिका, माङसेबुङ र माई नगरपालिका-६ , ७ र ८ को मतगणना भइसकेको छ ।

उनलाई नेपाली कांग्रेसका डम्बरबहादुर खड्काले ८ हजार ३८६ मतसहित पछ्याइरहेका छन् । उनीहरू दुईजनाबीचको अन्तर बढेर ४६ सय ८३ मत पुगेको छ ।

तेस्रो स्थानमा रहेका स्वतन्त्र उम्मेदवार डकेन्द्र थेगिमले ८ हजार ८९ मत ल्याइसकेका छन् । कांग्रेस र स्वतन्त्रबीच २९७ मतको अन्तर छ । चौथो स्थानमा रहेका राष्ट्रिय स्वतन्त्र पार्टीका मिलन लिम्बूको पक्षमा १७ सय १३ मत खसेको छ ।

ताजा अवस्था
सुहाङ नेम्वाङ (नेकपा एमाले)-१३०६९
डम्बर खड्का (काङ्ग्रेस)-८३८६
डकेन्द्र थेगिम(स्वतन्त्र)-८०९८
मिलन लिम्बु (रास्वपा)-१७१३

माई नगरपालिका ८
सूर्य : ६६४
रुख : ५०४
मुढा : ३२९
घण्टी : ७७