बझाङ- बझाङ प्रदेश सभा १ को निर्वाचनमा नेकपा एमालेका उम्मेदवार दमन भण्डारीले नेपाली कांग्रेसका उम्मेदवार अभिषेक सिंहसँगको मतान्तर बढाउँदै लगेका छन् ।

सुरुदेखि नै कडा टक्कर चलिरहेको यहाँ अब साइपाल गाउँपालिकाको मात्रै मत गन्न बाँकी छ । यस्तोमा एमाले उम्मेदवार भण्डारीले ३४१ मतको अग्रता बनाउन सफल भएका हुन् ।

तलकोटको गाउँपालिकाको मत गनिसक्दा भण्डारीले ११ हजार १ सय २ मत ल्याउँदा सिंहले १० हजार ७ सय ६१ मत पाएका छन् ।

सुरुवाती मतगणना एमाले उम्मेदवार भण्डारी अगाडि थिए । तर त्यसपछि नेपाली कांग्रेसका सिंह लगातार अगाडि बढेका थिए ।

मतगणनाको अन्तिमतिर आइपुग्दा भण्डारीले फेरि अग्रता बनाएका हुन् ।

हालसम्मको मतगणनामा नेकपा माओवादी केन्द्रका जनक बुढाले ३ हजार ७ सय ९० मत पाएका छन् ।

त्यस्तै नेकपा एकीकृत समाजवादीका दिलबहादुर सिंहले २ हजार ४ सय ४९ मत ल्याएका छन् । अब यहाँ साइपाल गाउँपालिकाको मात्रै मतगणना बाँकी छ । साइपालमा पनि एमालेले आफ्नो पकड रहेको दाबी गरिरहेको छ ।

ताजा अवस्था
सूर्य : १११०२
रुख : १०७६१
मतान्तर : ३४१