इलाम- इलाम क्षेत्र नम्बर २ को उपनिर्वाचनअन्तर्गत अहिले माई नगरपालिका वडा नम्बर ६ को मतगणना सकिएको छ ।

इलाम २ अन्तर्गत पर्ने माईका ३ वटा वडामध्ये अहिले ६ नम्बर वडाको मतगणना सकिएको हो ।

माई वडा नम्बर ६ को मतगणना सकिँदा मुढा लिएर स्वतन्त्र उम्मेदवारी दिएका डकेन्द्र थेगिमले सर्वाधिक भोट पाएका हुन् ।

यहाँ थेगिमको पक्षमा ५५१ मत खसेको हो । थेगिमले पहिलो मत पाउँदा नेकपा एमालेका सुहाङ नेम्बाङको पक्षमा माई ६ बाट ५४१ मत झरेको छ ।

उता नेपाली कांग्रेसका डम्बर खड्कालाई तेस्रो अर्थात् ३३४ मत झरेको छ । यहाँ रास्वपाका मिलन लिम्बूलाई ८४ मत झरेको छ ।

यसअघघि माङ्सेबुङ वडा नम्बर ५ मा पनि थेगिमलाई पहिलो मत झरेको थियो ।

यो वडामा प्रसिद्ध किरात धार्मिकस्थल र किरात धर्मगुरु आत्मानन्द लिङ्देनको बसोबास छ ।

माङ्सेबुङ वडा नम्बर ५ मा मुढा चुनाव चिह्न लिएका स्वतन्त्र उम्मेदवार डकेन्द्र थेगिमलाई एकलौटी मत झरेको थियो ।

माङ्सेबुङ-५ मा थेगिमलाई एकलौटी अर्थात् १०३७ मत खसेको थियो ।

यहाँ दोस्रो मत नेकपा एमालेका सुहाङ नेम्बाङलाई खसेको थियो । उनको पक्षमा ६८ मत आउँदा नेपाली कांग्रेसका डम्बर खड्कालाई ४७ मत परेको थियो ।