काठमाडौं– देशमा राजावादी जनमत बढेको जबजरजस्त भाष्य निर्माण भइरहेको अवस्थामा इलामको उपनिर्वाचनले राजावादीहरुको जनमत थप खुम्चिएको देखिएको छ । रोचक त के छ भने इलाम क्षेत्र नम्बर २ मा भइरहेको मतगणनामा राजेन्द्र लिङदेन नेतृत्वको राप्रपाका उम्मेदवारले भन्दा सिके राउत नेतृत्वको जनमत पार्टीका उम्मेदवारको बढी भोट आएको छ ।

गत ०७९ को चुनावमा राम्रै मत पाएर प्रतिनिनिधिसभामा उपस्थिति जनाएको राप्रपाप्रतिको आकर्षण इलामे जनतामा पहिले भन्दा पनि कम देखिएको छ ।

फाकफोकथुमबाट राप्रपाले २४ मत पायो भने चुलाचुलीबाट १९ मत मात्र पायो । दुईवटा पालिकाबाट राप्रपाका उम्मेदवारले पाएको मत ४३ मात्र छ । जबकि दुई पालिकाबाट सिके राउतको पार्टीका उम्मेदवारले ४९ मत पाएका छन् । राप्रपाले पाएको भोट टिठलाग्दो देखिएको छ ।
राप्रपाले इलाम २ को उपचुनावमा लक्ष्मी गुरुङलाई उठाएको छ ।े

इलाम क्षेत्र नम्बर २ बाट ०७९ मा राप्रपाले समानुपातिकतर्फ ११९१ मत पाएको थियो ।