काठमाडौँ– कालीमाटी फलफूल तथा तरकारी बजार विकास समितिले आजका लागि तरकारी तथा फलफूलको मूल्य सार्वजनिक गरेको छ ।

समितिका अनुसार हरियो अंगुर प्रतिकेजी १५० रुपैयाँ, कालो अंगुर २५०, केरा दर्जनको १२० रुपैयाँ, अनार २५०, किबी ३००, एभोकाडो २५०, अमला ७० र स्ट्रबेरी ३०० रुपैयाँमा खरिदबिक्री भइरहेको छ।

यसैगरी, नेपाली ठूलो गोलभेडा प्रतिकेजी ६०, लोकल सानो गोलभेडा ३०, अदुवा १७०, रातो आलु ३०, रातो भारतीय आलु २८ रूपैयाँमा कारोबार हुँदा स्थानीय काउली ४०, कागती १८०, सुकेको खुर्सानी ४८०, हरियो खुर्सानी ६० रुपैयाँ प्रतिकेजी कायम भएको छ।

लोकल गाजर प्रतिकेजी ३५ रुपैयाँमा कारोबार हुँदा लोकल बन्दा ३०, लौका ६०, लोकल सेतो मूला र रातो मूला १५, लोकल घिउ सिमी ७०, राजमा घिउ सिमी १२०, हरियो फर्सी लाम्चो र हरियो डल्लो फर्सी ६० रुपैयाँ, तोरीको साग ४०, रायोको साग ५० रुपैयाँमा खरिदबिक्री भइरहेको समितिले जनाएको छ ।

यस्तै, गुन्द्रुक २५०, भारतीय सुकेको प्याज ७०, हरियो प्याज १२०, पुदिना ३२०, ब्रोकाउली ९०, चाइनिज सुकेको लसुन २५०, हरियो लसुन १२०, नेपाली सुकेको लसुन २६० रुपैयाँमा कारोबारको अनुमति दिएको छ भने लाम्चो भान्टा ७०, भिण्डी १२०, र हरियो धनियाँ १०० रुपैयाँ पाइने समितले जनाएको छ।