काठमाडौं – नायक सौगात मल्ल र नायिका गरिमा शर्माको केन्द्रीय भूमिका रहने फिल्म ‘जन्ते बाख्रो’को शुभ मुहूर्त भएको छ । निर्माण पक्षले शुक्रबार कमलादीस्थित गणेश मन्दिरमा शुभ मुहूर्त गरेको हो ।

सौगात र गरिमाले मुहूर्त सट दिएका थिए । निर्देशक सिमोस सुनुवारले पुस २० गतेबाट छायाङ्कनमा जाने तयारी रहेको जनाए ।

फिल्ममा सौगात र गरिमासहित आशिफ शाह, रमा थपलिया, लोकेन्द्र लेखक र कमल देवकोटा लगायतको अभिनय रहने बताइएको छ ।

यो फिल्मको कथा बेहुली लिन जाँदा खाइने भोज ‘जन्ते बाख्रो’ वरपर आधारित भएको बताइएको छ ।

यस फिल्मको कथा, पटकथा र संवाद प्रदीप भारद्वाजले लेखेका हुन् ।

मुइन इन्टरटेन्मेन्टको प्रस्तुतिमा निर्माण हुन लागेको यस फिल्मको निर्माता सन्तोष गौतम हुन् ।

फिल्मको प्रदर्शन मितिबारे निर्माण पक्षले खुलाएको छैन ।