काठमाडौं- ‘राष्ट्रिय चलचित्र पुरस्कार–२०८०’ मा नायक विपिन कार्की उत्कृष्ट अभिनेता र नायिका स्वस्तिमा खड्का उत्कृष्ट अभिनेतृ घोषित भएका छन् । राष्ट्रपति निवासमा बुधबार आयोजित कार्यक्रममा उनीहरूलाई अवार्ड प्रधान गरिएको हो ।

विपिनले चलचित्र ‘प्रसाद–२’ र स्वस्तिमाले ‘दिमाख खराब’बाट उक्त अवार्ड जितेका हुन् । फिल्म ‘दमाख खराब’बाटै निश्चल बस्नेतले उत्कृष्ट निर्देशकको अवार्ड हात पारेका छन् ।

बुलाकीले अन्य दुई विधाको अवार्ड पनि हात पारेको छ । उक्त फिल्मबाट शिव ढकाल उत्कृष्ट छायाँकार र राजबहादुर साने उत्कृष्ट लेखक घोषित भएका छन् ।

उत्कृष्ट सम्पादको अवार्ड फिल्म ‘महाजात्रा’बाट मित्र डी गुरुङले जितेका छन् । उत्कृष्ट आदिवासी मातृभाषी फिल्म लिम्बू भाषामा बनेका ‘लोजिमा’ले जितेको छ ।

चलचित्र विकास बोर्डको आयोजनामा उक्त कार्यक्रम सम्पन्न भएको हो ।