बझाङ– बझाङ प्रदेश १ को उपनिर्वाचनमा थलारा गाउँपालिकामा कांग्रेसले मत बढाएको छ ।

छबिसपाथिभेराको मत गनिसक्दा तेस्रो स्थानमा रहेको कांग्रेस थलारामा पुग्दा भने दोस्रो स्थानमा आएको छ ।

छबिसपथिभेरा गाउँपालिकाको मतगणना सकिँदा एमालेले ५ सयभन्दा बढी मतले माओवादीलाई लिड गरेको थियो । अहिले नेकपा माओवादी केन्द्र तेस्रो स्थानमा छ ।

यहाँ एमालेका दमनबहादुर भण्डारी २,६३८ मत ल्याएर अगाडि छन् । नेपाली कांग्रेसका अभिषेकबहादुर सिंह २,०२४ ल्याएका छन् ।

उनीहरूको मतान्तर ६ सय १४ छ । साँझ ७ः३० बजेसम्मको मत परिणाम अनुसार एमालेले आफूलाई बलियो बनाउँदै लगेको छ ।

ताजा परिणाम
दमनबहादुर भण्डारी (एमाले) : २,६३८
जनक बुढा नेकपा (माओवादी केन्द्र) : १,७१७
अभिषेकबहादुर सिंह (नेपाली कांग्रेस) : २,०२४
दिलबहादुर सिंह (एकीकृत समाजवादी) : ९६२