काठमाडौं– महिला राष्ट्रिय टिमकी गोलरक्षक एञ्जिला तुम्बावो सुब्बाको जीवनबाट प्रभावित रहेको चलचित्र ‘अञ्जिला’ आगामी माघ ११ गते प्रदर्शनमा आउने भएको छ ।

सबै पक्षको अनुकूलतालाई मध्यनजर गरी माघमा चलचित्रमा प्रदर्शनमा ल्याउने निर्णय गरेको निर्माण पक्षले जनाएको छ । चलचित्रमा एञ्जिला स्वयंको अभिनय रहेको छ । उनीसँगै दयाहाङ राई, मिरुना मगर, सिर्जना सुब्बा, माओत्से गुरुङ, बुद्धि तामाङ, विजय बराललगायतको अभिनय रहने बताइएको छ ।

त्यस्तै, चलचित्रका निर्माता प्रेमकुमार श्रेष्ठको पनि मुख्य भूमिकामा देखिने भएका छन् । एञ्जिलाको खेलाडी बन्ने सङ्घर्षमा प्रेमकुमारको पनि योगदान रहेको बताइएको छ । निर्देशक मिलन चाम्स भन्छन्, ‘प्रेमले वास्तविक जीवनकै भूमिका फिल्ममा निर्वाह गर्नेछन् ।’

एञ्जिलाको जन्मथलो इलामसहित झापा र काठमाडौं चलचित्रको छायांकन भएको हो । एञ्जिलाको खेलाडी बन्नको सङ्घर्षमा आधारित कथा भए पनि उनको ‘बायोपिक’ भने नभएको निर्माण पक्षको भनाइ छ ।

मुन लभ इन्टरटेनमेन्टको ब्यानरमा बन्ने यो फिल्मका सह निर्माता विनोद अग्रवाल र राजेश बगडिया हुन् ।

याे पनि…

चलचित्र ‘अञ्जिला’को फस्ट लुक पोस्टर सार्वजनिक