काठमाडौँ– नक्कली भुटानी शरणार्थी प्रकरणमा हिरासतमा रहेका नेकपा एमालेका निलम्वित सचिव टोपबहादुर रायमाझीलाई अस्पताल भर्ना गरिएको छ ।
रायमाझीको मुटुमा समस्या भएपछि मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा हिजाे भर्ना गरिएको हाे ।
चिकित्सकहरूले नेता रायमाझीको स्वास्थ्य अवस्था स्थिर रहेको जानकारी दिँदै अहिले निगरानीमा राखिएको बताएका छन् । उनलाई रिँगटा लागेर मुटुको चाल कम भएपछि भर्ना गरिएको थियो ।
उनको उपचारमा संलग्न वरिष्ठ मुटुरोग विशेषज्ञ डा. चन्द्रमणि पौडेलले रायमाझीको मुटुको चालको निगरानी गरिरहेको बताए ।
प्रतिक्रिया