काठमाडौं – अविरल वर्षाका कारण चलेको बाढी बस्तीमा पसेपछि ललितपुरस्थित कुसुन्तीको अरुनिमा टोलमा फसेका मानिसहरूलाई नेपाली सेनाको हेलिकोप्टरबाट उद्धार गरिएको छ ।
सो बस्ती र वरपरका क्षेत्र नख्खुखोलाको बाढी पसेपछि जलमग्न छ । घरभित्रै बाढी पसेको छ । त्यहाँको एउटा ग्यारेजमा मात्रै ५० जना मानिस थुनिएका थिए ।
घरबाहिर निस्कन नसकेका मानिसहरू घरटहराको छतमा उक्लिएर उद्धारका लागि आग्रह गरिरहेका छन् । उद्धारका लागि यतिखेर सो क्षेत्रमा सशस्त्र प्रहरीका गोताखोर नै परिचालन गरिएको छ ।
तस्बिरहरूः
(तस्बिर स्रोत : नेपाल फोटो लाइब्रेरी ।)
प्रतिक्रिया