काठमाडौं– यही असोज २० गते अवकाशमा जान लागेका प्रधानन्यायाधीश विश्वम्भरप्रसाद श्रेष्ठले न्यायाधीश नियुक्ति तयारी थालेपछि वकिलहरूको विरोध पनि चर्किन थालेको छ ।

गत बुधबारदेखि आन्दोलित वकिलहरूले अवकाशमा जान लागेका प्रधानन्यायाधीशको अध्यक्षतामा न्याय परिषद्ले न्यायाधीश नियुक्ति तयारी थालेपछि नेपाल बार एसोसियसनले शुक्रबार न्याय परिषद घेराउ गरेको हो ।

न्यायाधीश नियुक्तिका लागि बिहीबार बैठक जारी रहँदा बार एशोसियसनमा आवद्ध कानुन व्यवसायीहरूले न्याय परिषद् घेराउ गरेका हुन।

नेपाल बार एशोसिएसनका अध्यक्ष गोपालकृष्ण घिमिरे नेतृत्वमा आन्दोलित वकिलहरूले अवकाशमा जान लागेका प्रधानन्यायाधीशले गैरसंवैधानिक रुपमा न्यायाधीश नियुक्ति गर्न लागेको भन्दै विरोधमा न्याय परिषद घेराउ गरेका हुन् ।

यसअघि श्रेष्ठले नयाँ न्यायाधीश सिफारिस गर्न खोजेपछि वकिलहरू कालो ब्यानर बनाएर यही बुधबार विरोधमा उत्रिएका हुन् ।

• घर जानेबेला वकिलहरूको विरोध खेप्दै प्रधानन्यायाधीश श्रेष्ठ (तस्बिरहरू)

प्रधानन्यायाधीश श्रेष्ठले बुधबार दिउँसो न्याय परिषद्को बैठक राखेर न्यायाधीश सिफारिस गर्न खोजेका थिए । त्यसलगत्तै बार आन्दोलित भएको थियो ।

एक वर्षदेखि विरोध गर्दै आएको गैरसंवैधानिक नियमावलीको आधारमा न्यायाधीश नियुक्ति नगर्न मागसहित बारले देशभरका इकाइमा आन्दोलन गरेको छ ।
हो ।

यसअघि बुधबार बार अध्यक्ष गोपालकृष्ण घिमिरेले अवकाशमा जान लागेका प्रधानन्यायाधीश श्रेष्ठले गैरसंवैधानिक नियमावलीको आधारमा न्यायाधीश नियुक्ति गर्न लागेको भन्दै आपत्ति जनाएका थिए। त्यसपछि उनकै आह्वानमा वकिलहरू देशभरका सम्बन्धित बार इकाइ परिसरमा कालो ब्यानरसहित विरोधमा उत्रिएका थिए ।