काठमाडौं– नेपालको लागि केइ अटोमोबाइल्सको आधिकारिक बिक्रेता लक्ष्मी ई मोबिलिटीले नाडा अटो शो २०२४ को पहिलो दिन आज स्टल एच-१६ बाट ३ मोडलका गाडी सार्वजनिक गरी बुकिङ खुलाएको छ । यी तीन मोडल ई-क्युटे ०२, ई-क्युटे ०४ र एक्स३ प्राे ईभी हुन्‌ ।

ई-क्युटे०२ मोडल दुई भेरिएन्टमा उपलब्ध हुने कम्पनीले जनाएको छ । जसमा २०० किलोमिटर रेन्ज दिने भेरिएन्टलाई १९ लाख ९६ हजार मूल्य कायम गरिएको छ भने ३०० कि.मी भेरिएन्टको मूल्य २२ लाख ९६ हजार रहेको छ ।

ई-क्यु०२ मा २८.०८ किलोवाट पावर क्षमताको लिथियम आइरन फस्फेट ब्याट्री र ४० किलोवाट क्षमताको मोटर रहेको छ । यसको अधिकतम टर्क ११० एनएम छ ।

त्यसैगरी ई-क्यु०४,३०० किलोमिटर रेन्जको मूल्य २४ लाख ९६ हजार रुपैयाँ छ । यसमा २८.०८ किलोवाट पावर क्षमताको लिथियम आइरन फस्फेट ब्याट्री र ४० किलोवाट क्षमताको मोटर रहेको छ । यसको अधिकतम टर्क ११० एनएम छ ।

त्यसैगरी तेस्रो मोडल एक्स३ प्राे ईभी इलेक्ट्रीक एसयूभी, डिलक्स र फ्ल्यागसिप भेरिएन्ट उपलब्ध छ । डिलक्स भेरिएन्टको मूल्य ४६ लाख ९६ हजार र फ्ल्यागसिप भेरिएन्टको ४८ लाख ९६ हजार रुपैयाँ रहेको छ ।

यसमा ५३.६ किलोवाट पावर क्षमताको लिथियम आइरन फस्फेट ब्याट्री र १२० किलोवाट क्षमताको मोटर रहेको छ । यसको अधिकतम टर्क २८० एनएम छ ।

नाडा स्पेसल अफर अन्तर्गत केइ गाडी खरिदमा ग्राहकले ७.३ किलोवाट को वाल माउन्टेड चारजर, साथै १ वर्षको लागि निःशुल्क सवारी बीमा तथा सवारी कर सुविधा पनि प्राप्त गर्न सक्ने कम्पनीले जानकारी दिएको छ ।

अर्थमन्त्री विष्णुप्रसाद पौडेलले अटो शो उद्घाटन गरेका हुन्‌ ।

याे पनि….
नाडा अटो शोमा केइले ३ मोडेलका गाडी सार्वजनिक गर्ने