काठमाडौं- नायिका अरुणिमा लम्सालको कम ब्याकका रुपमा चर्चा बटुलेको वेबसिरिज ‘घर बट इन अमेरिका’को लुक पोस्टर सार्वजनिक गरिएको छ ।

सिरिजकका निर्देशक बिमलेश अधिकारीले सामाजिक सञ्जालमार्फत पोस्टर सार्वजनिक गरेका हुन् । उनले पोस्टर सार्वजनिक गर्दै लेखेका छन्, ‘यो विदेशबाट नेपाली कथा वाचनमा एउटा महत्त्वपूर्ण कोशेढुंगा हुनेछ । ..आगामी वेब सिरिजले विश्वभरका मनहरूलाई जोड्नेछ।’

यस सिरिजबाट कुनै समयको चर्चित अभिनेत्री अरुणिमा १० वर्षपछि अभिनयमा फर्किने भएकी छन् । यसमा अरुणिमासहित बिमलेश अधिकारी, राधाबाबु लम्साल, खेम शर्मा, आशिष दाहाल, समारोह मैनाली, र रोजिना थापा लगायतका कलाकारहरूको प्रमुख भूमिका रहने छ ।

• कमब्याक तयारीमा यी कलाकार, फिल्ममा देखिएलान् राजेश हमाल ?
• १० वर्षपछि वेब सिरिज ‘घर बट इन अमेरिका’ बाट अभिनयमा कमब्याक गर्दै अरुणिमा

यस सिरिजको सम्पूर्ण छायांकन अमेरिकामा नै हुने बताइएको छ । अहिले पनि यसको छायांकन जारी रहेको निर्माण पक्षले बताएको छ ।

सिचुएसनल कमेडी-ड्रामा विधामा निर्माण भइरहेको यो सिरिजको लेखक विवेक चम्लागाईं हुन्।

सिरिज गोप्य लिभ-इन रिलेसनसिपमा रहेकी छोरी र नेपालबाट पहिलो अमेरिकी भ्रमणमा पुगेका आमाबुवाको कथामा आधारित रहेको बताइएको छ ।

सिरिजको निर्माण सेभेन कलर्स डिजिटलले गरेको हो। सिरिजमा रोशन घिमिरे लाइन प्रोड्युसर, विवेक रसाइली सहायक निर्देशक जिम्मेवारीमा छन् ।

अबको केही दिनमा टिजर सार्वजनिक गर्ने तयारीमा निर्माण पक्ष रहेको बुझिएको छ ।