काठमाडौं– प्रधानमन्त्री कप राष्ट्रिय पुरुष क्रिकेट प्रतियोगितामा बागमती प्रदेशले लुम्बिनी प्रदेशलाई पराजित गरेको छ ।

किर्तिपुर स्थित टियु क्रिकेट मैदानमा शनिबार भएको खेलमा बागमतीले लुम्बिनीलाई ६ विकेटले पराजित गरेको हो । अन्तर्गत आफ्नो लिग चरणको अन्तिम खेलमा बागमती प्रदेशले सहज जित हासिल गरेको छ । शनिवार भएको खेलमा बागमती प्रदेशले लुम्बिनी प्रदेश माथि ६ विकेटको जित हासिल गरेको हो । 

लुम्बिनी प्रदेशले दिएको १०७ रनको लक्ष्य बागमतीले ४ विकेट गुमाएर १७.२ ओभरमा पुरा गर्यो । बागमतीका लागि इशान पाण्डेले ५० रनको अर्धशतकीय पारी खेले । लुम्बिनीका लागि निर्मल गुरुङले २ विकेट लिए भने कृष्ण कार्की र अभिषेक गौतमले समान १-१ विकेट लिए ।     

त्यसअघि टस हारेर पहिले ब्याटिङको निम्तो पाएको लुम्बिनी प्रदेश ३२.२ ओभरमा १०६ रनमा समेटियो ।  बागमतीका लागि सुर्य तामाङले सर्वाधिक ६ विकेट लिए । लुम्बिनीका लागि कप्तान सुशान्त थापाले सर्वाधिक २८ रन बनाए । जितसंगै बागमती १२ अंकका साथ तालिकाको दोस्रो स्थानमा रहेको छ । 

शीर्ष २ ले फाइनल खेल्ने तालिका अनुसार फाइनल खेल्ने सम्भावना भएपनि बागमतिले अन्य खेलको नतिजा भने कुर्नुपर्ने छ ।

प्रतियोगितामा पुलिस अहिले ६ खेलबाट शतप्रतिशत जित निकाल्दै शीर्ष स्थानमा रहेको छ । पुलिसले अझै केहि खेल बाँकी छ । यसैगरी मधेस प्रदेश १० अंकसहित तेस्रो स्थानमा रहेको छ । मधेशले पनि एक खेल खेल्न बाकी छ ।