काठमाडौं– ‘नेपाल हेल्थ कन्क्लेभ २०२४’ सम्मेलन आजदेखि सुरु हुँदैछ । स्वास्थ्य तथा जनसंख्या मन्त्रालयको आयोजनामा आज र भोलि सम्मेलन हुन लागेको हो ।
‘स्वास्थ्य सेवाको सुदृढीकरणका लागि प्रवासीहरूको संलग्नता’ नाराका साथ नेपाल हेल्थ कन्क्लेभ २०२४ हुन लागेको स्वास्थ्य मन्त्रालयले जनाएको छ ।
सम्मेलनमा ९० भन्दा बढी देशको सहभागिता रहनेछ । मन्त्रालयले सम्मेलनमा कुल एक हजारभन्दा बढीको सहभागिता रहने जनाएको छ । जसमा तीन सय जनाको भौतिक उपस्थिति रहने छ भने सातसय भन्दा बढीलाई भर्चुअल माध्यमबाट जोडिने व्यवस्था गरिएको छ ।
प्रतिक्रिया