काठमाडौं– सामाजिक सञ्चालमा  ‘कन्टेन क्रियटर’का रुपमा चर्चामा आएका निमेष श्रेष्ठले फिल्म निर्देशन गर्ने भएका छन् । उनले निर्देशन रहने फिल्म ‘लाइफ ड्यामेज’को शुक्रबार कमलादीको गणेश मन्दिरमा शुभमुहूर्त गरिएको हो।

मुहूर्तमा सुरक्षा र निमेशसहित चलचित्रका प्रमुख कलाकारहरू र प्राविधिक टोली उपस्थित थिए। फिल्म ‘फेन्टासी कमेडी ड्रामा’मा आधारित रहेको निमेषले जानकारी दिएका छन् । चलचित्रको कथाबारे उनले भने, ‘अर्काको जुत्तामा उभिँदा वा अरूको जीवन बाँच्दा कस्तो हुन्छ भनेर हामीले यस चलचित्रमा देखाउन खोजेका छौँ।’

उनले यस फिल्ममा नायिका सुरक्षा पन्तसँग स्क्रिन सेयर गर्ने भएका छन्। फिल्ममा सुरक्षा, निमेषसँगै ईशा थापा, सञ्जना महर्जन, अमोघ अर्याल, अनीश जङ्ग थापा, अजय पन्त, निरू खड्कालगायतको अभिनय रहने बताइएको छ ।

फन रिभोलुसन इन्टरटेनमेन्टको ब्यानरमा बन्ने फिल्म यसै वर्ष प्रदर्शन गर्ने निमेषको लक्ष्य रहेको छ ।