काठमाडौं– अभिनेता धिरज मगर र अभिनेत्री उपासना सिंह ठकुरीको मुख्य भूमिका चलचित्र  ‘खुस्मा’को दोस्रो चरणको  छायांकन सुरु भएको छ । निर्माण पक्षले पूर्वी रुकुमको मैकोटबाट दोस्रो सुरु गरेको हो ।

निर्देशक अशोक थापा मगरका अनुसार बिहीबारबाट पुन मगर जातीको उद्गम स्थल रुकुमको मैकोट छायांकन सुरु गरिएको हो ।  मैकोट अभिनेता धिरजको जन्मथलोसमेत हो ।

त्यहाँपछि टकसेरा र पोखरामा छायांकनको तालिका रहेको निर्देशक मगरले बताए । गत माघमा यस चलचित्रको पहिलो चरणको छायांकन मनाङमा भएको थियो ।

 मगर समुदायको परिवेशमा निर्माण यस चलचित्र जनयुद्धको प्रभावबीच अंकुराएको प्रेमकथामा आधारित रहेको निर्माण पक्षले बताएको छ ।

सिनेमामा धिरज र उपासनासहित माओत्से गुरुङ, खड्क बहादुर पुन (खबपु), सुजाता राई, विजय सुब्बा लगायतका कलाकारको अभिनय रहेको छ ।

एम मिडिया प्रालिको ब्यानरमा निर्माण हुने यस चलचित्रका निर्देशक मगर स्वयंले लेखेका हुन् । चलचित्रमा वीरबहादुर लामा, चन्द्रबहादुर भट्टचन र बेतान मगरको संयुक्त लगानी रहेको छ । मानबहादुर धनाह मगर र सुस्मिता बुढाथोकी सह निर्माता हुन् भने मोहन राई कार्यकारी निर्माताको जिम्मेवारीमा छन् ।

चलचित्र असोज ३ गतेबाट विश्वभर एकसाथ प्रदर्शन हुने बताइएको छ ।