काठमाडौं- सत्तारुढ दल नेकपा एमालेको सचिवालय बैठक २ घण्टा ढिलो सुरु भएको छ ।

पार्टी मूख्यालय च्यासलमा बिहान ११ बजेका लागि डाकिएको बैठक दिउँसो १ बजेपछि सुरु भएको हो ।

प्रधानमन्त्रीसमेत रहेका पार्टी अध्यक्ष केपी शर्मा ओलीको कार्यव्यस्तताका भन्दै बैठक ढिलो बसेको हो ।

एमाले प्रचार विभाग प्रमुख राजेन्द्र गौतमका अनुसार एमालेले पुसभित्रै केन्द्रीय कमिटी बैठक बोलाउने तयारी गरेको छ ।

बुधबारको बैठकमा स्थानीय तह उपनिर्वाचनको नतिजा र सरकारको कामको समीक्षा तथा पार्टीको सांगठनिक कामको पनि समीक्षा हुँदैछ । स्रोतका अनुसार केही नेतालाई कारबाही गर्ने सम्भावना पनि छ ।

यस बैठकमा समसामयिक राजनीतिक विषय तथा आगामी केन्द्रीय कमिटी बैठकको मिति र एजेण्डा तय गर्ने कार्यसूची तय गरिएको छ।