काठमाडौं- असोज ३ गते प्रदर्शन मिति तोकिएको फिल्म ‘खुस्मा’को दोस्रो गीत ‘रुकुम मैकोट’ सार्वजनिक भएको छ । काठमाडौंको कमलपोखरीस्थित एक हलमा निर्माण पक्षले आइतबार कार्यक्रमको आयोजना गीत सार्वजनिक गरेका हाे ।
उक्त गीतमा नायक धिरज मगर र नायिका उपासना सिंह ठकुरीलाई विशेष स्थान दिइएको छ । गीतमा फिल्मका अन्य मुख्य कलाकारलाई पनि देख्न सकिन्छ ।
सार्वजनिक गीतमा एसडी योगीको संगीत निर्देशन तथा सुरेन्द्र रानाको शब्द रचना रहेको छ । योगी र शान्तिश्री परियारको स्वर छ । रिकेश गुरुङ संगीत निर्माता रहेको गीतको भिडियोमा सुरेन्द्र राईको कोरियोग्राफी हेर्न सकिन्छ ।
एम मिडिया प्रालिको ब्यानरमा निर्माण भएको यस फिल्मको लेखन तथा निर्देशन अशोक थापा मगर गरेका हुन् । उनको यो डेब्यू निर्देशन रहेको फिल्म हो ।
सिनेमाको निर्मातामा वीर बहादुर लामा, चन्द्र बहादुर भट्टचन, मान बहादुर धनाह मगर र बेतान मगर छन् । सुस्मिता बुढाथोकी सह-निर्माता हुन् ।
फिल्ममा धिरज र उपासनासहित माओत्से गुरुङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरुन मगर, सारा राई, श्वेता मिश्र, विवेश मगर लगायतको अभिनय रहेको छ ।
जनयुद्ध ताका मगर समुदायको परिवेशको प्रेमकथामा फिल्म निर्माण भएको निर्देशक मगरले बताए ।
हेर्नुहोस् भिडियो :
प्रतिक्रिया