काठमाडौं – लक्षरा फिल्म्सले निर्माण गरेको म्युजिक भिडियो ‘राधा पियारी’ सार्वजनिक भएको छ । सो भिडियोमा नायक पल शाह र नायिका मलिका महत फिचर्ड छन् ।

यो गीतको भिडियोमा देशमा विद्यमान सहकारी पीडितहरूको व्यथा जोडिएको छ । भिडियोमा पल र मलिका प्रहरीको भूमिकामा छन् । भिडियोमा यी दुईले सहकारी ठगलाई सस्पेन्स (रहस्यमय) तरिकाले पक्राउ गर्छन् ।

पल र मलिका कुनै समय दर्शकले रुचाएका रिल जोडी हुन्‌ । नायक पल शाह बलात्कार काण्डमा जोडिएपछि उनीहरूबीच सहकार्य भएको थिएन । पल जेलबाट निस्किएपछि दुईले यो गीतमार्फत पहिलो सहकार्य गरेका हुन्‌ ।

गीतमा गायिका शान्ती श्री परियार र गायक कृष्ण बीकेको स्वर दिएका छन् । बीके स्वयम्‌कै शब्द र संगीत छ । भिडियो जीबी अग्रीको निर्देशनमा तयार भएको हो । गीतमा सञ्‍जय विश्वकर्माको कोरियोग्राफी रहेको छ ।

हेर्नुहोस् भिडियो :