काठमाडौँ– अफ्रिकन कप अफ नेसन्सको अन्तिम १६ को समीकरण पुरा भएको छ । गएराती समूह चरणका खेलहरू सकिएसँगै नकआउट चरणमा पुग्ने १६ टिमको टुंगो लागेको हो ।

जसमा समूह ‘ए’ बाट इक्वेटोरियल गिनी र नाइजेरिया, समूह ‘बी’ बाट केप भर्डे र इजिप्ट, समूह ‘सी’ बाट सेनेगल र क्यामरुन, समुह ‘डी’ बाट एङ्गोला र बुर्किना फासो, समूह ‘ई’ बाट माली र दक्षिण अफ्रिका, समूह ‘एफ’बाट मोरक्को र डिआर कंगो रहेका छन् ।

त्यसैगरी, सबै समूहका तेस्रो स्थानमामा रहेका टिमहरूका शीर्ष चारमा रहेका टिमहरूमा समूह ‘ए’ को आइभरी कोष्ट, समुह ‘सी’ को गिनी, समूह ‘डी’ को मारुतानिया र समूह ‘ई’ को नामिबिया पनि नकआउट चरणमा प्रवेश गरेका छन् ।

अन्तिम १६ मा को–को भिड्दैछन् ?

अब अन्तिम १६ मा नाइजेरिया र क्यामरुन, एङ्गोला र नामिबिया, केप भर्डे र मारुतानिया, मोरक्को र दक्षिण अफ्रिका भिड्ने छन् । यसैगरी माली र बुर्किना फासो, सेनेगल र आइभरी कोष्ट, इजिप्ट र डिआर कंगो तथ इक्वेटोरियल गिनी र गिनीबीच प्रतिस्पर्धा हुनेछ ।

अन्तिम १६ का खेलहरू यही जनवरी २७ देखि ३० सम्म हुनेछन् ।