काठमाडौं– आत्मनिर्भर लघुवित्त वित्तीय संस्था लिमिटेडले सेयर धनीलाई १५ प्रतिशत बोनस दिने भएको छ ।

कम्पनीको गत आइतबार साँझ ५ः३० मा बसेको सञ्चालक समितिको बैठकले १५ प्रतिशत बोनस दिने भएको कम्पनीका प्रमुख कार्यकारी अधिकृत  सोगत वीर चौधरीले जानकारी दिए ।

चौधरीका अनुसार कम्पनीले चुक्ता पुँजीको ९७ लाख ७१ हजार ४८१ रुपैयाँ बराबर हुने १४.२५ प्रतिशत बोनस शेयर र ५ लाख १४ हजार २८८ रुपैयाँ बराबर हुन आउने ०.७५ प्रतिशत नगद लाभांश दिने भएको छ ।

बोनस प्रस्ताव पारित गर्ने कम्पनीले पुष २९ गते वार्षिक साधारणसभा बोलाएको छ । सभा प्रयोजनका लागि कम्पनीले पुस १६ गते एक दिनका लागि बुक क्लोज गर्ने भएको छ ।

पुस १५ गतेसम्म कायम रहेको शेयरधनीले मात्र कम्पनीले प्रस्ताव गरेको उक्त बोनस पाउने छन् ।