काठमाडौं – अक्टोबर महिनामा चीनमा एलुमिनियम आयात घटेको पाइएको छ । यस वर्षको अक्टोबर महिनामा चीनमा एलुमिनियम र एलुमिनियमका उत्पादनको आयात ८.७ प्रतिशतले घटेको हो ।

अन्तर्राष्ट्रिय समाचार संस्था रोयटर्सका अनुसार अक्टोबर अघिल्लो वर्षको तुलनामा एलुमिनियमको आयत ८.७ प्रतिशतले घटेर ३ लाख २० हजार मेट्रिक टनमा सीमित भएको छ । यस वर्षको पहिलो १० महिनामा भने चीनले कुल ३१ लाख ७० हजार टन एलुमिनियम आयात गरेको छ ।

यो अघिल्लो वर्षको तुलनामा ३२।४ प्रतिशतले धेरै हो । चीनमा बक्साइटको आयात भने बढेको छ । अक्टोबरमा अघिल्लो वर्षको तुलनामा चीनले अक्टोबर महिनामा ११ प्रतिशत धेरै बक्साइट आयात गरेको छ । अक्टोबर महिनामा चीनले १ करोड २२ लाख टन बक्साइट आयात गरेको छ ।