काठमाडौं– ह्याण्ड सर्जनहरुका लागि ह्याण्डकोर्ष २०२४ कीर्तिपुर अस्पतालमा सम्पन्न भएको छ ।

हातमा हुने सबैखाले रोग तथा समस्याहरूको उपचारमा वृद्धि विकास गर्नका लागि किर्तिपुर अस्पतालको बर्न तथा प्लास्टिक सर्जरी विभाग र अर्थोपेडिक विभाग टिचिङ अस्पतालको संयुक्त आयोजनामा कार्यक्रम सम्पन्न भएको हो ।

नयाँ पुस्ताका ह्याण्ड सर्जनहरूलाई आफूले सिकेको सीप सिकाउन यस कार्यक्रमले सहयोग पुर्याउने किर्तिपुर अस्पताल प्लास्टिक सर्जरी विभाग प्रमुख डा. विकास कार्कीले बताए । उनले भने नेपालमा हातको समस्याहरू धेरै बढ्दो क्रममा छ ।

 धेरैलाई हातको पनि छुट्टै उपचार गर्ने चिकित्सकहरू हुन्छन् भन्ने जानकारी छैन नेपालमा यसको सुरुवात भएको पनि धेरै भएको छैन । किर्तिपुर अस्पताल लगायत काठमाडौंका केही अस्पतालमा मात्रै सीमित रहेको यो सेवालाई देशैभर बिस्तार गर्ने योजना रहेको उनले बताए । 

अहिले देशभर जम्मा १७ जना मात्रै ह्याण्ड सर्जनहरू रहेका उनले बताए । नेपालका पहिलो ह्याण्ड सर्जन किरण नकर्मी लगायत अन्य विज्ञहरूले सहजिकरण गराइरहेको कार्यक्रममा भारत युके लगायतका देशबाट गरी ६५ जना ह्याण्ड सर्जनहरूको सहभागिता रहेको ह्याण्ड सर्जन डा। लोकराज चौरसियाले जानकारी दिए ।