काठमाडौं– स्पेनिस ला लिगा फुटबलमा भिल्लारियलले जित निकालेको छ । गएराति भएको खेलमा सेभिल्लालाई २–१ गोलले हराउँदै भिल्लारियल विजयी भएको हो ।

भिल्लारियलका लागि अर्नाउट डन्जुमा र अयोजे पेरेजले एक–एक गोल गरेका थिए । सेभियाका डोडी लुकेबाकियोले एक गोल फर्काएका थिए ।

भिल्लारियलका अर्नाउटले खेलको दोस्रो मिनेटमै टोलीका लागि सुरुवाती गोल गरेका थिए । तर पहिलो हाफको इन्जुरी समयको छैटौँ मिनेटमा सेभियाका डोडीले गोल गर्दै खेललाई १–१ गोलको बराबरीमा ल्याए ।

त्यसपछि खेलको दोस्रो हाफको इन्जुरी समयहो पाँचौँ मिनेटमा भिल्लारियलका पेरेजले गोल गर्दै टोलीलाई २–१ गोलको जित दिलाए ।

यो जितसँगै भिल्लारियल दुई खेलबाट ४ अंक जोड्दै तालिकाको दोस्रो स्थानमा रहेको छ । पराजित भएको सेृभिया १ अंकसहित १६औँ स्थानमा छ । शीर्ष स्थानमा रहेको सेल्टा भिगोको समान खेलबाट ६ अंक छ ।