काठमाडौं – गैरकानूनी सम्पत्तिआर्जनको अनुसन्धानको बयानमा बोलाउँदा नआएपछि नेपाल टेलिकमका पूर्वप्रवन्ध निर्देशक सुनिल पौडेल र सुरक्षण मुद्रण केन्द्रका पूर्वकार्यकारी निर्देशक विकल पौडेल पक्राउ परेका छन् ।
गैरकानूनी सम्पत्तिआर्जनको अनुसन्धानको सिलसिलामा बयानका लागि बोलाउँदा उपस्थित नभएपछि अख्तियार दुरुपयोग अनुसन्धान आयोगले विकल पौडेल र सुनिल पौडेललाई पक्राउ गरेको जनाएको छ ।
दुवै जनामाथि यसअघि भ्रष्टाचार मुद्दा दायर भएको छ । भ्रष्टाचार अभियोगको मुद्दा पछि उनीहरुलाई गैरकानूनी सम्पत्ति आर्जनको उजुरी समेत परेको थियो । पक्राउ परेको दुवै जनालाई भोलि विशेष अदालतमा उपस्थित गराउने अख्तियारको तयारी छ ।
प्रतिक्रिया