काठमाडौँ– काराबाओ कप फुटबलमा मिडल्सब्रोलाई हराउँदै चेल्सी फाइनलमा प्रवेश गरेको छ ।
गएराति स्टामफोर्ड ब्रिजमा भएको सेमिफाइनलको लेग–२ मा मिडल्सब्रोलाई ६–१ गोलले हराउँदै समग्रमा ६–२ को अग्रतासहित चेल्सी फाइनलमा पुगेको हो । पहिलो लेगमा चेल्सी १–० गोलले पराजित भएको थियो।
चेल्सीका लागि कोल पालमरले दुई तथा इन्जो फर्नान्डेज, डिसासी र नोनी मेड्युकेले एक–एक गोल गरेका थिए । एक गोल भने मिडल्सब्रोबाट आत्मघाती उपहारस्वरूप प्राप्त भएको थियो । खेलको १५औँ मिनेटमा मिडल्सब्रोका जनी हाउसनले आत्मघाती गोल गरेका थिए ।
मिडल्सब्रोका मोर्गन रोगरले खेलको ८८औँ मिनेटमा एक गोल फर्काएका थिए ।
चेल्सीले अब फाइनलमा लिभरपुल र फुलहम मध्ये विजेतासँग खेल्नेछ । यी दुई टोलीबीचको सेमिफाइनल आज राति हुनेछ ।
प्रतिक्रिया