काठमाडौँ– नेपाल प्रहरी प्रधान कार्यालय, प्रहरी महानिरीक्षकको सचिवालय नक्सालले देशका विभिन्न कार्यालयमा विभिन्न पदमा कार्यरत प्रहरीहरूलाई सात दिनभित्र हाजिर हुन निर्देशन दिएको छ ।

कार्यालयले आज एक सूचना जारी गर्दै विभिन्न पदमा कार्यरत २४ जना प्रहरी आफूखुशी कार्यालयमा गैर हाजिर रहेको र खोजतलास गर्दा/गराउँदा तथा तथा प्रहरी नियमावली २०७१ को नियम ११५ को (२) बमोजिम प्रक्रिया पूरा गरी सूचना टाँस भइसक्दा समेत कार्यालयको सम्पर्कमा नआएको उल्लेख गर्दै हाजिर हुन भनेको हो ।

कार्यालयले सूचना जारी भएको मितिले बाटोको म्याद बाहेक सात दिन भित्र आफू गैर हाजिर रहनुको कारण खोली सन्तोषजनक स्पष्टीकरणसहित हाजिर हुन सूचित गरेको छ ।

सूचनाको बेवास्ता गरी सम्पर्कमा नआए प्रहरी नियमावली, २०७१ अनुसार सेवाबाट हटाइने चेतावनी समेत दिइएको छ ।