काठमाडौं– हुम्लामा रहेको नेपाल टेलिकमको बीटीएस टावरमा अज्ञात समूहले अवाञ्छित क्रियाकलाप गरी क्षति पुर्‍याउँदा सेवा अवरुद्ध भएको छ ।

यस्ता कार्यबाट प्रवाह गर्दै आएको सेवाहरू अवरुद्ध हुन पुगेकोमा टेलिकमले दुःख व्यक्त गर्दै यस्ता कार्य नगर्न आग्रह गरेको छ ।

टेलिकमले सर्केगाड गाउँपालिका-०५ स्थित बरै माइक्रो वी.टी.एसमा पौष ४ गते सोलार प्यानल, भीएसएटीका उपकरणहरु तथा अर्थिंङ केवलमा क्षति पुगेको र विकट भौगोलिक अवस्थितिका कारणले मर्मत कार्य सम्पन्न भई सेवा सुचारु हुन केही समय लाग्न जनएकाे छ ।

सार्वजनिक महत्वका सरकारी सम्पत्तिमा क्षति पुर्‍याउने र सर्वसाधारणको अविछिन्न सञ्चार सेवा उपभोग गर्न पाउने अधिकारमाथि आघात पुग्ने किसिमका गतिविधिहरू नगर्न टेलिकमको आग्रह छ ।