काठमाडौं– मुस्ताङको थासाङ गाउँपालिका-२ मा हिमपहिरो झरेको छ।
शुक्रबार दिउँसो बस्तीभन्दा माथिबाट ठूलो आकारमा हिमपहिरो झरेको हो ।
हिमपहिरो अहिले बस्तीभन्दा माथिको भागमा आएर खोंचमा अड्किएको छ। अहिले जोखिममा परेका बस्तीको ९ घरका मानिसहरूलाई सुरक्षित स्थानमा सारिएको छ ।
हिमपहिरो स्थानीय बोक्सी खोलाभन्दा आधा घण्टामाथि रोकिएको छ । कुनै पनि बेला उक्त पहिरो बगेर तल आउने भएकाले जोखिम हुन सक्ने अनुमान छ ।
मुस्ताङका प्रमुख जिल्ला अधिकारी जनकराज पन्तले हिमपहिरो बस्तीमाथि अड्किएको बताए । हिमाली क्षेत्रबाट खसेको हिमपहिरो बस्तीभन्दा माथिको खोंचमा अड्किएको उनले जानकारी दिए ।
तस्बिरहरू : सशस्त्र प्रहरी बल
प्रतिक्रिया